سەرۆکی ئەنجوومەنی باڵای سیاسی و بەرژەوەندی ‎یەکێتیی نیشتمانیی کوردستان لەبارەی بوومەلەرزەکەی وڵآتی تورکیا رایگەیاند، "ئێمه‌ له‌ یه‌كێتى نیشتمانى كوردستان ئاماده‌ین بۆ هه‌موو هاوكارییه‌كى ته‌ندروستى و مرۆیی بۆ رزگاركردنى خوشك و براكانمان له‌و رووداو و كاره‌ساته‌".

ئاوێنە: لە پەیامێکدا کۆسرەت رەسول عەلی، سەرۆکی ئەنجوومەنی باڵای سیاسی و بەرژەوەندی یەکێتی نیشتمانیی کوردستان پرسەو سەرەخۆشی گەلی تورکیا بەگشتی و کەسوکاری قوربانیان بەتایبەتی کردووە، هەروەها داوای شیفای لە خوادا بۆ بریندارەکان کردووە.

هاوکات کۆسرەت رەسوڵ ‎داوای لە لایەنە پەیوەندیدارەکان کردووە بەزووترین کات فریای لێقەوماوانی ئەم ناوچانە بکەون و ھاوکاری مرۆیی و تەندروستی بگەیەننە ناوچەکە.

‎سەرۆکی ئەنجوومەنی باڵای سیاسی و بەرژەوەندی ‎یەکێتیی نیشتمانیی کوردستان ئامادەیی حزبەکەی بۆ ھەموو ھاوکارییەکی تەندروستی و مرۆیی بۆ رزگارکردنی قوربانیانی ئەو کارەساتە، نیشانداوە.