2020-01-28   879     
كچەكا ئێزدی دكەمپا هولێ رۆژئاڤایێ كوردستانێ هاتە رزگار كرن
زارویەكا كوردێ ئێزدی د ژیێ 11سالی دا بناڤێ مەلەك سەعید دناڤا خێزانەكا داعش ل كەمپا هولێ ل رۆژئاڤایێ كوردستانێ هاتە رزگار كرن.
ئاوێنە، وارهێل نێروەی: خالد تەعلو قائیدی، مامێ وێ كچا ئێزیدی راگەهاند: پشتی هندەك زانیاری گەهشتنە وان ب هەفكاری هندەك خێرخواز و كومیتەیا رزگاركریێن مالا ئێزدیبان ئەو شیان كچا خوە یا 11سالی ب ناڤێ ( مەلەك سەعید ) ژێر دەستێ خێزانەكا داعش ل كەمپا هولێ دا رزگار بكەن.
گوت ژی: نوكە ( مەلەك ) ل مالا ئێزدیان ل رۆژئاڤایێ كوردستانێ یە ئەم چاڤەرێی نە بۆ مە بهێتە ڤەگەراندن، د 3-8-2014 مەلەك ژلایێ داعشڤە هاتبوو رەفاندن پاشان د شەرەكێ دا ئەڤ كچە بریندار بویە.
ئاشكرا ژی كر: ل جینوسایدا شنگال دا 19 كەس ژ مالباتا وێ هاتبونە گرتن و رەفاندن هەتا نوكە 12 كەس ژێ رزگار بووینە و ل گورەیی زانیاریی مە دوو دی ژ مالا مە یێن هاتینە رەڤاندن، دایك و برایەكێ مەلەكێ د وی دەمی دا ل دەستێ داعش دا بوون ل شەرێ هەجین ل سوریا بتوپبارانا فروكا هاتینە كوششتن و هەتا نوكە چارەنڤیسی پێنج ژ كەسێن مالباتا مە دیار نین.
نێزیكی پێنج و سال و نیڤە كەس و كارێن رەڤاندیێن دەستێ داعش كو زێدەتر ژ شەش هزار كوردێن ئێزدی كەفتنە دەستێ داعش چاڤەرێ ڤەگەرانا كەس و كارێن خوە دكەن كو هەتا نوكە نێزیكی سێ هزار كەسان كو دبیتە نێزیكی 45% چارەنڤیسێ وان دیار نینە.