2020-01-29 710
عەباس مووسەوی، وتەبێژی وەزارەتی دەرەوەی ئێران دەڵێت سعوودیە هاوبەشی کوشتنی قاسم سولەیمانی بووە.
ئاوێنه: عەباس موسەوی، وتەبێژی وەزارەتی دەرەوەی ئێران لە راگەیاندراوێكدا وەڵامی وەزیری دەرەوەی سعوودیەی دایەوە و وتی سعوودیە پشتیوانی داعش و گروپە تیرۆریستییەكانی دیكەی ناوچەیە و ئێستاش پشتیوانی لە تیرۆركردنی قاسم سولەیمانی لەلایەن ئەمریكای تیرۆریست دەكات.
موسەوی دەڵێ ''بەھەموو پێوەرێك كوژرانی قاسم سولەیمانی دژی یاسا نێودەوڵەتییەكانە و سعوودیەش بەم پشتیوانی‌کردنە لە كوشتنی قاسم سولەیمانی فەرماندەی فەیلەقی قودسی ئێراندا ھاوبەشی ئەمریكایە. فەیسەل بن فەرحان وەزیری دەرەوەی سعوودیە، رۆژی سێشەممە ٨ی کانوونی دووهەم رایگەیاندبوو كوشتنی قاسم سولەیمانی لەلایەن ئەمریكاوە بەرگریكردنی رەوا بووە''.