2020-01-29   1730     
كەشناسی هەرێم هۆشداریی دەدات لە هاتنی شەپۆلێكی باران و بەفربارین و پێشبینیشدەكات، ئاستی بارانبارین لەنێوان 15 تا 25 ملم دابێت.
ئاوێنه: بەشی پێشبینی بەڕێوەبەرایەتی گشتی كەشناسی و بومەلەرزەزانی هەرێم رایدەگەیەنێت: لەكاتەكانی بەرەبەیانی رۆژی هەینی 31-1-2020، شەپۆلێكی باران و بەفر بارین ناوچە جیاجیاكانی هەرێم دەگرێتەوە و بارستەهەوایەكی سارد روو لەهەرێم دەكات، ئەوەش دەبێتە نزمبوونەوەی پلەكانی گەرما و بەفر بارین لە ناوچە شاخاوییە سنوورییەكان.
راشیدەگەیەنێت: لەپارێزگای هەولێر و دهۆك ئاستی بەفر بارین زیاتر دەبێت و بارانیش لە تەواوی ناوچەكان دەبارێت و ئاستی بارانبارینی پێشبینیكراو لەنێوان 15 تا 25 ملم دەبێت.
ئەوەش رادەگەیەنێت: كاریگەری ئەم شەپۆلە دوای نیوەڕۆی رۆژی شەممە 1-2-2020 كۆتایی دێت.