2020-02-01   1424     
بهشێك لهخۆپیشاندهرانی بهغداد و ناوچهكانی خواروی عێراق لهڕێگهی بهرزكردنهوهی ژمارهیهك دروشمهوه، رهتیانكردهوه وهرگرتنی پۆستی سهرۆك وهزیران لهلایهن محهمهد تۆفیق عهلاوی كه یهكێكه لهكاندیدهكانى ئهو پۆسته قبوڵ بكهن.
ئاوێنە: بهگوێرهی زانیاریهكانی میدیا عێراقیهكان، یهكێك لهو كهسانهی وهك كاندیدی شیعهكان بۆ پۆستی سهرۆك وهزیران ناوی دههێندرێت محهمهد تۆفیق عهلاوی-ه بهڵام لهلایهن خۆپیشاندهرانهوه رهتكراوهتهوه.
پێشتریش، لهناو كۆبونهوهی لایهنه شیعیهكاندا، ناوی ههریهك لهعهلی شوكری و محهمهد تۆفیق عهلاوی كاندید بۆ پۆستی سهرۆك وهزیران هێندراو تا ئێستاش رێكهوتنی كۆتایی لهسهر هیچ كام لهو كاندیدانه نهكراوه.
ئێوارهی دوێنێ، غایب عهمیری ئهندامی هاوپهیمانی سائیرون رایگهیاند، "بههیچ جۆرێك ئێمه بهشداری لهدیاریكردنی كاندیدی سهرۆك وهزیرانی عێراق ناكات، بهڵكو پشتیوانی لهخواست و بۆچونهكانی هاوڵاتیان دهكات، هیچ هێڵیكی سوریشمان لهسهر محهمهد تۆفیق عهلاوی نیه".
سهرچاوهیهكی سیاسیش لهبهغداد رایگهیاند، بهرههم ساڵح سهرۆك كۆماری عێراق مستهفا كازمی سهرۆكی دهزگای ههواڵگری ئێستای عێراق بهمهبهستی پێكهێنانی حكومهت رادهسپێرێت، ئهگهر هێزه سیاسییهكان تا رۆژی شهمممه نهگهنه رێكهوتنی كۆتایی بۆ دیاریكردنی كهسێك وهك كاندیدی سهرۆك وهزیران.