2020-02-02   489     
هێزە ئەمنییەکانی عێراق دەڵێن ١٠ چەکداری داعشیان لە پارێزگای دیالە کوشتووە.
ئاوێنه: پۆلیسی دیالە, دەڵێت هێزە ئەمنییەکان ١٠ چەکداری سەر بە داعشیان کوشتوە کە لە رفاندنی حەوت هاووڵاتی لە نزیک شارۆچکەی "قەرەتەپە"ی باکووری پارێزگاکە بەرپرس بوون.
پۆلیس هەروەها وتوویەتی: هێزە ئەمنییەکان لە هەڵمەتی گەڕان و پشکنین بۆ ئاشکراکردنی چارەنووسی رفێنراوانی قەرەتەپە بەردەوامن.
چەکدارانی داعش رۆژی پێنجشەممەی رابردوو، بازگەیەکی ساختەیان لە نزیک شارۆچکەی قەرەتەپە دانا و حەوت هاووڵاتی سڤیلیان رفاند. هێزه ئەمنییەکانی عێراق تەرمی یەکێک لە حەوت رفێنراوەکە دۆزییەوە و تا ئێستا چارەنووسی شەش کەسەکەی دیکە دیار نیە.