2019-02-26   863     
کاردیناڵ جۆرج بیل
کاردیناڵ جۆرج بیل وەزیری دارایی ڤاتیکان، لهلایهن دادگایەکی ئوسترالياوه تاوانبار كرا بهئهنجامدانی دەستدرێژیی سێکسی بۆ سەر دو منداڵ.
ئاوێنه: ئهمرۆ سێشهممه، دادگای ملبۆرنی ئوسترالیا کاردیناڵ جۆرج بیلی تاوانبارکرد بەدەستدرێژیکردنە سەر دو منداڵی کوڕی تەمەن 12 و 13 ساڵ کە ئەندامی تیپی سرودی کڵێسایەک بون.
دادگاکە ئاماژەی بەوەش کردووە كه بڕیارەکە لەمانگی کانونی یەکەمی ساڵی رابردو دەرچووە، بەڵام لەبەر چەند هۆکارێک لەئێستادا ئاشکراکراوە.
تا ئێستا دادگاکە بڕیاری کۆتایی لەبارەی ئەو سزایەوە نەداوە کە بەسەر کاردیناڵ جۆرج بیلدا دەیسەپێنێت.
ئەو کاردیناڵە تەمەنی 77 ساڵەو سێیەم گەورە بەرپرسی ڤاتیکانه لەدوای پاپا، ماوەیەکە لەکارەکانی لەڤاتیکان مۆڵەتی وەرگرتووە بۆئەوەی بتوانێت لەدادگاکە بەرگری لەخۆی بکات.