2020-02-16 960
ئەمڕۆ یەکشەممە 16-2-2020، کۆمپانیاینەوتی میسان لە بەیاننامەیەکدا رایگەیاندوە، دوو کرێکاری چینی کە لە کێڵگەی نەوتی حەلفایە کاریان دەکرد دەستڕێژی گولەیان لێ کراوه.
ئاوێنه: کۆمپانیای نەوتی میسان هەروەها رایگەیاندووە، ''چەکدارانی نەناسراو دەستڕێژی گولەیان لەو دوو کرێکارە کردووە و بەهۆیەوە هەردوکیان بە سەختی بریندار بوون''.
بەهۆی ناکارایی هێزە ئەمنی و سەربازییەکانی عێراق، دەیان گرووپ و میلیشیای چەکداریی توندڕەو، تاوانکاری و تیرۆریستی لە بەغدا و شارەکانی دیکەی ئەو وڵاتە بڵاو بوونەتەوە، کە بە ئارەزووی خۆیان و بەپێی بەرژەوەندیی ئەو لایەنەی کاری بۆ دەکەن، کردەی تاوانکاری و تیرۆریستی ئەنجام دەدەن.