شێخ جەعفەر: بە بڵاوکردنەوەی درۆ و دەلەسە سەر دانانەوێنم و پاشەکشە لە هەڵوێستەکانم ناکەم
  2020-02-16       3775       
شێخ جەعفەر شێخ مستەفا، ئەندامی ئەنجوومەنی باڵای سیاسی و بەرژەوەندییەکانی یەکێتیی نیشتمانیی کوردستان رای گەیاند، ”بە بڵاوکردنەوەی درۆ و دەلەسە“ سەر دانانەوێت و پاشەکشە لە هەڵوێستەکانی ناکات.

ئاوێنە: شێخ جەعفەر مستەفا، ئەندامی ئەنجوومەنی باڵای سیاسی و بەرژەوەندییەکانی یەکێتی بە میدیایەکی پارتی راگەیاند: ”ئه‌وه‌ی من بناسێت، رۆژێک له‌ رۆژان شایه‌دیی ئه‌وه‌م بۆ ده‌دات کە من کێم“.

ڕوونیشی کردەوە کە خه‌بات و ماندووبوونی ٤٠ ساڵەی پێشمه‌رگایه‌تیی ئەو، ”به‌ درۆکردن و هێرش و پینه‌ و پەڕۆ ناشۆرێته‌وه‌“.

شێخ جەعفەر جەختی کردەوە: ”له‌ ئاستی ئه‌و که‌سانه‌ زۆر به‌رزتر و گه‌وره‌ترم کە ده‌یانه‌وێت له‌م رێگایانه‌وه‌ خەباتەکەم بیر ببه‌نه‌وه‌“.

شێخ جەعفەر بەبێ ئەوەی ئاماژە بە هیچ وردەکارییەک بدات، وتی: ”هه‌موو ئه‌وه‌ی بڵاو ده‌کرێته‌وه‌، هه‌ڵمه‌تێکی داشۆراوه‌ له‌ ئه‌خلاق و ره‌وشتی سیاسی، دڵنیای هه‌موو لایه‌ک ده‌که‌مه‌وه‌ نه‌ پاشه‌کشه‌ ده‌که‌م، نه‌ سه‌ر داده‌نوێنم، ئەوانه‌ی ده‌ستیان له‌پشته‌وه‌ بووه‌، هه‌ر ئه‌وه‌نده‌ ده‌سه‌ڵاتیان هه‌یه‌“.
زۆرترین بینراو
© 2018 Awene Online, Inc. All Rights Reserved.
×