هێزه‌كانی ئاسایشی سلێمانی سه‌ر به‌ده‌زگای ئاسایشی هه‌رێم، به‌هاوكاری ئاسایشی گه‌رمیان و هاوپه‌یمانان له‌سنووری په‌ڵكانه و زنانه له گه‌رمیان ژماره‌یه‌ك تیرۆرستیان ده‌ستگیر كرد.
ئاوێنه - ئاراز محه‌مه‌د: بەیانی ئەمڕۆ لەئۆپراسیۆنێکی هاوبەشی ئاسایشی گەرمیان و بەشی ئۆپراسیۆنی ئاسایشی سلێمانی و بنکەی ئاسایشی نەوجول لەسنوری گوندەکانی پەڵکانە و شۆراو لەنێوان ناحیەی زنانە و دوز خورماتوو ئەمیرێکی داواکراوی داعش و دوو چەکداری ئەو ڕێخراوەیان دەستگیرکرکران .
لەوبارەیەوە جەمال سەعید بەڕێوبەری ناحیەی زنانە به ''ئاوێنە''ی راگه‌یاند "دوایی ئەوەی ئاسایشی گەرمیان زانیاری هەبوو لەسەر کۆبونەوەیەکی داعش لەسنوری زنانە بەیانی ئەمڕۆ لەئۆپراسیۆنێکی هاوبەشی ئاسایشی سلێمانی و گەرمیان و بنکەی ئاسایشی نەوجولدا، توانرا ئەمیرێکی داواکراوی داعش کەهاتبونه سنورەکەوە دەستگیربکرێت "
ئاماژه‌ی به‌وه‌شدا لەئۆپراسیۆنەکەدا روبەروبونەوە رویداوەو کارمه‌ندێکی ئاسایش بەسوکی برینداربووە.
