2020-02-20 738
ل گورەیی پێش بینێن رێڤەبەریا گشتی كەشناسیا هەرێما كوردستانێ پێلەكا باران و بەفر بارینێ ل هەرێمێ گریت و ل سنورێ قەزا سێمێلێ سەر ب پارێزگەها دهوكێ پێلەكا بارانێن بهێز باریت باژێرڤانیا دهوكێ ژی خەلكێ دەڤەرێ ئاگەهدار دكەت رەنگە ببیتە ئەگەرێ دروست بوونا لەهیان.
ئاوێنە، وارهێل نێروەیی: دیار سادق، بەرپرسێ پشكا ژینگەهێ ل رێڤەبەریا گشتی یا باژێرڤانیان ل دهوكێ بۆ " ئاوێنە " راگەهاند: ل گورەیی وان پێشبینێن رێڤەریا گشتی كەشناسیا هەرێما كوردستانێ دایە دیار كرن، ئەڤ شەڤە و سوبەهی رۆژا پێنج شەمبی رێكەفتی 20 شوباتا 2020 دێ پێلەكا بهێز یا باران بارینێ ل سنورێ قەزا سێمیلێ سەر پارێزگەها دهوكێ ڤە باریت و رەنگە ببیتە لەهی دروست ببن.
ئاشكرا ژی كر: رێڤەبەریا وان هەموو باژێرڤانێن سنورێ قەزا سێمێلێ ئاگەهدار كرینە كو هەموو بەرهەڤیان بكەن بۆ پاراستنا گیان و سەر و مالێ وەلاتێن قەزا ناڤبری و هەموو تیمێن خوە ئێخستینە د خزمەتا دەڤەرێ دا دا چ روویدانێن نەچاڤەرێ كری رووینەدەن.
ل گورەیی پێش بینێن رێڤەبەریا گشتی یا كەشناسی و ئەردهەژا هەرێما كوردستانێ سوبەهی دێ پێلەكا سەرمایێ ل دەڤەرێ گریت ئەسمان عەور و باران بیت و ل دەڤەرێن چیایێ ژی دێ بەفر باریت.