2020-02-20 370
قایمقامێ قه‌زا شنگال دیاركركو ل ته‌عفه‌ر گۆره‌كێ ب كۆم خه‌لكێ مه هاتیه دیتن وپیشبینێ دهێته كرن چه‌ندێن گۆرێن دى یێن بكۆم خه‌لكێ مه ل ته‌له‌عفه‌ر و كسر الحراب هه‌بن.
ئاوێنه، وارهێل نێروه‌یى: مه‌حما خه‌لیل، قایمقامێ قه‌زا شنگال بۆ" ئاوێنه " راگه‌هاند: پشتى وێ جینوسایدا سه‌رێ خه‌لكێ ئێزدى هاتى لسه‌رده‌مێ تیروریستێن داعش گه‌له‌ك گورێن كوم هاتینه دیتن و هێشتا ژى گورێن كوم هه‌نه، ئه‌ڤرۆ ژى ل ته‌له‌عفه‌ر دناڤ بیره‌كا ئاڤێدا گۆره‌كێ ب كۆم هاتیه دیتن لێ هیشتا دیارنینه چه‌ند روفات تێدا هه‌نه .
ناهاتى گوت ژى: روفاتێن خه‌لكێ شنگال هیشتا د ناڤ گۆرێن ب كۆم دانه نه‌هاتینه ڤه‌كرن و به‌رده‌وام گۆرێن ب كۆم خه‌لكێ مه دهێنه دیتن ئه‌م پیشبینى دكه‌ین هیشتا گۆرێن ب كۆم وه‌لاتیێن ئێزدى ل (ته‌له‌عفه‌ر و كسر الحراب) بهێنه دیتن، ژبه‌ركو ل ڤان ده‌ڤه‌ران گه‌له‌ك زۆرداریێ ل خه‌لكێ مه هاتیه كرن.
ژلایێ خوڤه ژى فه‌لاح حه‌سه‌ن، ئه‌ندامێ ده‌سته‌یا ڤه‌كۆلینى و كۆمكرنا به‌لگه‌نامه‌یان ل دهۆكێ دیاركر: زانیارى لسه‌ر دیتنا گوره‌كێ دى بكوم هه‌نه لێ هیشتا وه‌كو تیم ئه‌م نه‌چوویه وێ جهێ یه.
قائیمقامێ شنگال دیار كرژى: ل جینوسایدا شنگال هه‌تا نوكه ژى وه‌كو پێدڤى كار لسه‌ر گۆرێن بكۆم نه‌هاتیه كرن ئه‌م هیڤدارن هه‌موو گۆرێن بكۆم بهێنه ڤه‌كرن و روفات بۆ كه‌س و كارێن وان بهێنه زڤراندن.