2020-02-21 753
لاڤان‌و باوكی
وتەبێژی جێگری سەرۆک وەزیرانی حكومه‌تی هه‌رێمی كوردستان رایده‌گه‌یه‌نێت كه له‌سه‌ر ده‌ستدرێژیكردنه سه‌ر كچه 8 ساڵه‌كه تاوانبارێک گیراوەو چاوەڕێی بڕیاری دادگا دەکات.
ئاوێنه: سەمیر هەورامی، وتەبێژی قوباد تاڵەبانی جێگری سەرۆک وەزیران له‌لێدوانێكی نوسراودا ڕایگه‌یاندووه، "سەبارەت بە تاوانی قێزەونی دەستدرێژی کردنەسەر کچێکی تەمەن ٧ ساڵان کە ویژدانی هەموومانی بریندارکرد، بەڕێز قوباد تاڵەبانی جێگری سەرۆک وەزیران بەدواداچوونی بۆ دۆسیەکە کردووە و لەلایەن بەڕێز پارێزگاری هەولێر و لایەنە پەیوەندیدارەکانی دیکەوە دڵنیا کراوەتەوە کە رێکاری یاسایی پێویست گیراوەتەبەر."
ناوبراو ده‌ڵێت، "تا ئێستا تاوانبارێک گیراوە و چاوەڕێی بڕیاری دادگا دەکات و لێکۆڵینەوەش لەگەڵ چەند گومانلێکراوێکی دیکە لە دۆسیەکەدا بەردەوامە."
ده‌قی لێدوانه‌كه:
لێدوانێك لەبارەی تاوانی دەستدرێژی کردنەسەر کچێکی تەمەن ٧ ساڵان لە‌ھە‌ولێر
سەبارەت بە تاوانی قێزەونی دەستدرێژی کردنەسەر کچێکی تەمەن ٧ ساڵان کە ویژدانی هەموومانی بریندارکرد، بەڕێز قوباد تاڵەبانی جێگری سەرۆک وەزیران بەدواداچوونی بۆ دۆسیەکە کردووە و لەلایەن بەڕێز پارێزگاری هەولێر و لایەنە پەیوەندیدارەکانی دیکەوە دڵنیا کراوەتەوە کە رێکاری یاسایی پێویست گیراوەتەبەر.
تا ئێستا تاوانبارێک گیراوە و چاوەڕێی بڕیاری دادگا دەکات و لێکۆڵینەوەش لەگەڵ چەند گومانلێکراوێکی دیکە لە دۆسیەکەدا بەردەوامە.
هاوڵاتیانیش دڵنیا دەکەینەوە کە هیچ نەرمی نواندن و چاوپۆشیکردنێک بەرامبەر تێوەگلاوانی ئەم تاوانە قێزەونە کە لە نیسانی ساڵی ٢٠١٩دا روویداوە قبوڵ ناکرێت.
سەمیر هەورامی
وتەبێژی قوباد تاڵەبانی جێگری سەرۆک وەزیران