2020-02-21   418     
بهمهبهستی پاراستنی تەندروستی سزادراوانو کەسوکاریان لهڤایرۆسی كۆرۆنا، وهزارهتی كارو كاروباری حكومهتی ههرێمی كوردستان بڕیاریدا سەردانیکردنی سزادراوان لهچاكسازییهكان ڕابگیرێت.
ئاوێنه: وەزیری کارو کاروباری کۆمەڵایەتی لهئاگادارییهكدا ڕایگهیاندووه، "ئاگاداری کەسوکاری سزادراوانی چاکسازییەکانی گەورانو ژنانو منداڵانی سەر بەوەزارەتمان دەکەین بەفەرمانی بەڕێز وەزیری کارو کاروباری کۆمەڵایەتی سەردانیکردنی سزادراوان بەهەمو شێوەیەك ڕادەگیرێت".
لهئاگادارییهكهدا هاتووه، بۆ زیاتر پاراستنی تەندروستی سزادراوانو کەسوکاریان بۆ کاتێکی نادیار سەردانیکردنی سزادراوان ڕادهگیرێت بەهۆی بڵاوبونەوەی ڤایرۆسی کڕۆنا لەوڵاتێکی دراوسێ.
لهرۆژی چوارشهممهوه چهند حاڵهتێكی توشبونو گیانلهدهستدان بهڤایرۆسی كۆرۆنا لهكۆماری ئیسلامی ئێران تۆماركراوهو بهو هۆیهوه لهههرێمی كوردستان چهند ڕێوشوێنێك بۆ بهرگرتن لهبڵاوبونهوهی ڤایرۆسهكه گیراوهتهبهر.