خانمە پزیشکەکانی کوردستان به‌یاننامه‌یه‌كی له‌باره‌ی ده‌ستدرێژی كردنه‌سه‌ر كچه‌ ٨ ساڵه‌كه‌ بڵاوكرده‌وه‌
  2020-02-22       1650       

خانمە پزیشکەکانی کوردستان  رایده‌گه‌یه‌نێت ''بەداخەوە لەچەند مانگی پێشوودا هەندێک نێرینەی بێویژدان و بەدوور لە هەموو عورف و عاداتێک ودوور لە هەموو یاسایەکی ئاسمانی و سەرزەویی،  بێویژدانانە و بێ هیچ بیانویەکی یاسایی و ئەخلاقی دەستدرێژیی سێکسی/ هێرش دەکەنە سەر جەستەی کچۆڵەیەکی منداڵی ماڵە هەژارێکی کورد''.

ئاوێنه‌: ڕێکخراوی خانمە پزیشکەکانی کوردستان به‌یاننامه‌یه‌كی بڵاوكرده‌وه‌ كه‌ تیایدا هاتوه‌  '' به‌ توندی ڕسوای ئەم کارەقێزەوەندە دەکەین و داوا لە دامو دەستگا پەیوەنیدارەکان دەکەین دەستبەجێ تاوانباران ڕوبەڕووی لێثێچینەوەی یاسایی بکەنەوە''.

 


بفەرموون لەگەڵ بەیاننامەی ڕێکخراوی خانمە پزیشکەکانی کوردستان

لەم ساتەوەختەدا کە کۆمەڵگاکەمان بەهەموو توانایەکیەوە کار بۆ ئازادی تاکەکەس و سەروەریی یاسا و ڕێزگرتن لە بەشێوەی گشتی هەموو تاکێکی کۆمەڵگا و بەتایبەتی منداڵ و پیر و ژن دەکات، بەداخەوە لەچەند مانگی پێشوودا هەندێک نێرینەی بێویژدان و بەدوور لە هەموو عورف و عاداتێک ودوور لە هەموو یاسایەکی ئاسمانی و سەرزەویی،  بێویژدانانە و بێ هیچ بیانویەکی یاسایی و ئەخلاقی دەستدرێژیی سێکسی/ هێرش دەکەنە سەر جەستەی کچۆڵەیەکی منداڵی ماڵە هەژارێکی کورد .
لە کاتێکدا بە توندی ڕسوای ئەم کارەقێزەوەندە دەکەین و داوا لە دامو دەستگا پەیوەنیدارەکان دەکەین دەستبەجێ تاوانباران ڕوبەڕووی لێثێچینەوەی یاسایی بکەنەوە.
هەروەها دەستگا ئەمنیەکانی حکومەتی هەرێمی کوردستان بەگشتی بەرپرسن لەسەر پاراستنی ماڵ و گیان و شەرەفی هاووڵاتیان و بەتایبەتی هی ئەمخێزانە هەژار و زوڵملێکراوە.
هەر لێرەشەوە دەنگمان دەخەینە پاڵدەنگی هەموو دەنگێکی ئازادیخواز لەناو حکومەت و لایەنە سیاسەکان و کۆمەڵگای مەدەنی و دادوەرە بەڕێزەکان، بۆئەوەی دژی ئەم کارە قێزەوندە هەڵوێست وەربگرن و بۆئەوەی فشاربخەینە سەر حکومەت تاکو بەپێی ڕێکارەیاساییەکان توندترین سزا بەسەرهەموو تاوانباران و ئەوانەی لەم کارە قێزەوەندە تێوەگلاوون و ئەوانەی کەمتەرخەم بوون لەبەسزادانی تاوانباران، بسەپێنرێت.
لەکۆتاییدا دەمانەوێت ئاماژە بە خاڵێکی گرنگ بکەین، گەر دادگاکانی هەرێم دەور لە بەرگریکردن لە زوڵملێکراوان لەساتە وەختی ئەنجامدانی ئەممجۆرە تاوانە دژ بەمرۆڤایەتیانەدا نەبیین، ئەوا کۆمەڵگاکەمان بەرەو ئاقاری توندوتیژی زیاتر و تۆڵەسەندەنەوەی شەخسی و سوڵحی عەشایەریی دەبات. ئەوکات بوونی دامەزراوە و دەستاگاکانی دادوەریی هەرێم دەخرێنە ژێر پرسیارێکی گەوەرەوە و کۆمەڵگاکەمان بەرەوتوندوتیژی و ئاشووب  دەبات.
واژووی ١٥٧٩ ئەندامی ڕێکخراوی خانمە پزیشکەکانی کوردستان
٢٠/٢/٢٠٢٠٢


زۆرترین بینراو
© 2018 Awene Online, Inc. All Rights Reserved.
×