2020-02-28 390
په‌رله‌مانی ئێران
به‌هۆی ته‌شه‌نه‌سه‌ندنی زیاتری ڤایرۆسی كۆرۆنا له‌و وڵاته، په‌رله‌مانی ئێران بڕیاری ڕاگرتنی كۆبونه‌وه‌كانی ده‌ركرد.
ئاوێنه: ئه‌سه‌دۆڵا عه‌باسی، وته‌بێژی ده‌سته‌ی سه‌رۆكایه‌تی په‌رله‌مانی ئێران ڕایگه‌یاند، ده‌سته‌ی سه‌رۆكایه‌تی په‌رله‌مانی ئێران بڕیاردا بۆ ڕێگریكردن له‌بڵاوبونه‌وه‌ی ڤایرۆسی كۆرۆنا تا كاتێكی نادیار په‌رله‌مان دابخرێت‌و كۆبوونه‌وه‌كان ئه‌نجامنه‌درێن.
به‌گوێره‌ی راگه‌یه‌ندراوی ره‌سمی سه‌رۆكایه‌تی په‌رله‌مانی كۆماری ئیسلامی ئێران، چوار په‌رله‌مانتار توشبونیان به‌ڤایرۆسی كۆرۆنا پشتڕاست كراوه‌ته‌وه.