وەزارەتی دارایی و ئابوری حكومەتی هەرێمی كوردستان رایگەیاند، سبەی
یەكشەممە موچەی وەزارەتی گواستنەوەو گەیاندن دابەش دەكرێت.
ئاوێنە: وەزارەتی دارایی و ئابوری حكومەتی هەرێمی كوردستان
لەڕاگەیەندراوێكدا كە وێنەیەكی دەست ئاوێنە كەوتوە، رایگەیاند، سبه‌ی یه‌كشه‌ممه ٢٠٢٠/٣/١ موچه‌ی وه‌زاره‌تی گواستنه‌وه‌و گه‌یاندن دابه‌ش ده‌كرێت.
دابەشكردنی موچە
لەچاو چەند مانگی رابردودا دواكەوتوە، ئەوەش بەهۆی نەگەیشتی ئەو پارەیەی بەغدا
مانگانە بۆ موچەی فەرمانبەران رەوانەی هەرێمی دەكات و حكومەتی هەرێم بۆ تەواوكردنی
دابەشكردنی موچە پشتی پێ دەبەستێت. لەگەڵ ئەوەی پارەكە لەبەغداوە رەوانە نەكراوە بەڵام
دەسەڵاتدارانی هەرێمی كوردستان دڵنیایی دەدەن كە هیچ كێشەیەك لەئارادا نییە.
دوێنێ هەینی،
رێبوار كەریم، پەرلەمانتاری كورد لە پەرلەمانی عێراق رایگەیاند، رۆژی یەكشەممە
بەغدا پارەی موچەی فەرمانبەران رەوانەی هەرێم دەكات.