2020-03-01   408     
نووسینگەی راگەیاندنی پارێزگاری بابل رایگەیاند، لە ترسی بڵابوونەوەی ڤایرۆسی کۆرۆنا، سەرجەم مەزارگە ئاینییەکان لە پارێزگای بابل ناوەڕاستی عێراق بە رووی زیارەتکاراندا داخران.
ئاوێنه: لە روونکردنەوەیەکدا نووسینگەی راگەیاندنی پارێزگاری بابل ئاماژەی بەوە کرد حوسێن مەندیل-ی پارێزگار فەرمانیکردووە، سەرجەم مەزارگە ئاینییەکان لە پارێزگاکە بە رووی زیارەتکاراندا دابخرێن و بەپێی راگەیەندراوەکە، پارێزگاری بابل، حوسێن مەندیل ئەو فەرمانەی لەچوارچێوەی گرتنەبەری رێوشوێنەکان بۆ پێشگرتن لە بڵاوبوونەوەی ڤایرۆسی کۆرۆنا لە پارێزگاکە داوە.
شایەنی باسە دوێنێ شەممە وەزارەتی تەندروستی و ژینگەی عێراق بڵاویکردبوویەوە کە پێنجی حاڵەتی دیکەی تووشبوون بە ڤایرۆسی کۆرۆنا لە وڵاتەکەی تۆمارکراون، کە چواریان دانیشتوی بەغدان ئەوەی دیکە دانیشتووی پارێزگای بابل-ە.
بەوەش ژمارەی تووشبووان بە ڤایرۆسەی کۆرۆنا لە عێراق بەرزبوویەوە و گەیشتووەتە ١٣ کەس کە شەشیان لە شاری بەغدا، پێنجی دیکە لە پارێزگای کەرکووک، و یەکێکی دیکە لە پارێزگای بابل و یەکێکی دیکەیش لە پارێزگای نەجەف-ە.
تووشبووەکەی پارێزگای نەجەف خوێندکارێکی ئێرانی بوو کە دیپۆرتکراوەتەوە بۆ وڵاتەکەی.