له‌كۆبونه‌وه‌ی‌ ئه‌مڕۆیدا شانه‌ی به‌ره‌نگاربونه‌وه‌ی كۆرۆنا له‌عێراق چه‌ند بڕیارێكی‌ ده‌ركرد، به‌پێی‌ یه‌كێك له‌بڕیاره‌كان پشوی‌ سەرجەم فەرمانگەکانی عێراق تاوەکو 15و پشوی‌ ناوه‌نده‌كانی‌ خوێندن تا 21ی‌ ئەم مانگە درێژده‌كرێته‌وه‌. 

ئاوێنه‌: ئه‌مرۆ هه‌ینی‌ شانه‌ی به‌ره‌نگاربونه‌وه‌ی كۆرۆنا له‌عێراق كۆبوه‌وه‌و له‌كۆبونه‌وه‌كه‌دا ئه‌م بڕیارانه‌ درا:

- پشوی‌ سەرجەم فەرمانگەکانی عێراق جگه‌ له‌دامه‌زراوه‌ ته‌ندروستی‌‌و ئه‌منییه‌كان تاوەکو 15ی‌ ئه‌م مانگه‌ درێژده‌كرێته‌وه‌.

- پشوی‌ ناوه‌نده‌كانی‌ خوێندن تا 21ی‌ ئەم مانگە درێژده‌كرێته‌وه‌. 

- تا 15ی ئه‌م مانگه‌ ده‌رفه‌ت ده‌درێت به‌و عێراقییانه‌ی له‌ئێران ماونه‌ته‌وه‌ بۆ ئه‌وه‌ی بگه‌ڕێنه‌وه‌. دوای گه‌ڕانه‌وه‌شیان كه‌نتینه‌ ده‌كرێن بۆ ماوه‌ی 14 رۆژ. 

- هاوڵاتیانی فه‌ره‌نساو ئیسپانیا بۆیان نییه‌ سه‌ردانی عێراق بكه‌ن.

بەپێی ئامارەكانی‌ وه‌زاره‌تی‌ ته‌ندروستی‌ عێراق، تا ئێستا ژمارەی توشبوان بەڤایرۆسی كۆرۆنا لەسەرتاسەری عێراقدا گەیشتۆتە 38 حاڵەت، دو حاڵه‌تی گیانله‌ده‌ستدانیش تۆماركراون.