له‌ فەرەنسا چەکدارێک هێرش دەكاتە سەر مزگەوتێك و دەستڕێژی گوللـەیان لێدەكات
  2020-03-09       436       


درەنگانی شەوی ڕابردوو، لە پاریسی پایتەختی فەرەنسا، کەسێک بە چەکەوە هێرشدەکاتە سەر مزگەوتێک و چەند کەسێک برینداردەکات کە برینی یەکێک لە بریندارەکان سەختە، دوای هێرشەکەش چەکدارەکە هەڵهاتووە.


ئاوێنه‌: پۆلیسی پاریس رایگەیاند، درەنگانی شەوی رابردوو 8-ئازار-2020،  چەکدارێک هەڵیکوتاوەتە سەر مزگەوتی روودی تانگێر لە پاریس و تەقەی کردووە، لەئەنجامی تەقەكردنەكەدا چەند کەسێک برینداربوون کە برینی یەکێکیان سەختە و لەژێر چاودێریی پزیشکیدایە.

بەپێی زانیارییەکانی پۆلیسی پاریس جەکدارەكە هەڵهاتووە، تاوەکو ئێستا دەستگیرنەکراوە و پۆلیس بەدوایدا دەگەڕێت.

ئەو بریندارەی برینەکەی سەختە، پیاوێکی تەمەن 32 ساڵە و براوەتە نەخۆشخانە، سەرچاوەکان باس لەوە دەکەن کە چەند گولـلەیەکی بەرکەوتووە.

پۆلیس لێکۆڵینەوەکانی دەستپێکردووە و هێشتا هۆکارەكەی روون نەكردۆتەوە ، لەکاتی كردەوە تیرۆریستیەكەدا نزیکەی 15 کەس لەنێو مزگەوتەکەدا بوون.

 

زۆرترین بینراو
© 2020 Awene Online, Inc. All Rights Reserved.
×