پەرلەمانی عێراق توشبونی 10 پەرلەمانتار بە ڤایرۆسی كۆرۆنا رەتدەكاتەوەو
دەڵێت، ئەو هەواڵە هیچ بنەمایەی راستی تێدا نییە.
ئاوێنە: پەرلەمانی عێراق، ئەمڕۆ دوشەممە، لەبەیاننامەیەكدا سەبارەت بە هەواڵی
توشبونی 10 پەرلەمانتاری عێراق بە ڤایرۆسی كۆرۆنا رایگەیاند"هەندێك لە دەزگا
راگەیاندنەكانی ناوخۆ و جیهانییەكان، ئەمڕۆ هەواڵی ئەوەیان بڵاوكردۆتەوە گوایە 10
ئەندامی پەرلەمانی عێراق توشی ڤایرۆسی كۆرۆنا بون."
وتوشیەتی"لای
خۆمانەوە بەتەواوی ئەو هەواڵە رەتدەكەینەوە كە هیچ بنەمایەكی راستی تێدا نییە."
ئەمڕۆ ئاژانسی
سپۆتنیكی روسی لەزاری سەرچاوەیەكی پزیشكیی عێراقییەوە بڵاویكردبوەوە كە بەگوێرەی
ئەنجامی پشكنینە تاقیگەییەكانی 10 پەرلەمانتاری عێراقی كە لە تاقیگەی تەندروستی
ناوەندیی لەبەغدا ئەنجامدراون، دەركەوتوە كە هەڵگری ڤایرۆسی كۆرۆنان.