2020-03-10   1088     
پهرلهمانتارێكی ئێران رایگهیاند، ڤایرۆسێكی دیکەی نادیار لهو وڵاته دهركهوتووه كه له ڤایرۆسی كۆرۆنای نوێ جیاوازه و له یهكێك له شارهكاندا هاوڵاتییهكی كوشتووه.
ئاوێنە: شههروز بەرزاگار، ئهندامی لیژنهی ئاسایشی نیشتمانی له پهرلهمانی ئێران ئاشكرای كرد، "ئێستا دوو جۆر ڤایرۆس له ئێران بڵاوبووهتهوه، كه یهكێكیان ڤایرۆسی کۆرۆنایە و ئهوی دیكەشیان سهرچاوهكهی نهزانراوه".
وتیشی: "ڤایرۆسه نوێیەکە بكوژه و دوای توشبوونی پهرستارێكی تهمهن ٢٥ ساڵ، دهستبهجێ گیانی لهدهستداوه و کەسێکی دیکەش بەهەمان ڤایرۆس لە شاری قوم توشبووە".
ئەو پەرلەمانتارە ئاماژەی بەوەشکردووە، "بەپێی لێدوانی وەزیری تەندروستی ئێران پێدهچێت ڤایرۆسه نادیارهكه جۆرێك بێت له تیرۆری بایۆلۆجی، كه واشنتۆن تۆمەتبار دەکات بە بڵاوکردنەوەی ڤایرۆسە نوێیەكە".