سەرۆك وەزیرانی كەنەداو هاوسەرەكەی خۆیان كەرەنتینە كرد
  2020-03-12       827       

جاستن ترۆدۆ، سەرۆك وەزیرانی كەنەدا و هاوسەرەكەی، ئەمڕۆ پێنجشەممە، خۆیان كەرەنتینە كرد، ئەوەش دوای ئەوەی چەند نیشانەیەكی هاوشێوەی توشبون بە ئەنفلۆنزا لە هاوسەرەكەیدا دەركەوتون و پشكنینی ڤایرۆسی كۆرۆنای بۆ ئەنجامدراوە.

ئاوێنە: بەگوێرەی بەیاننامەیەكی نوسینگەی سەرۆك وەزیرانی كەنەدا، هیچ نیشانەیەك لە جاستن ترۆدۆ-دا دەرنەكەوتون تا ئەو كاتەی ئەنجامی پشكنینەكانی هاوسەرەكەی دەردەچن لە ماڵەكەی خۆیدا كارەكانی دەكات.

هەروەها هێماشی بۆ ئەوە كردوە كە ترۆدۆ ئەو كۆبونەوانەی بڕیار بو رۆژی پێنجشەممەو هەینی لەگەڵ سەرۆك وەزیرانی هەرێمەكاندا ئەنجامیان بدات، لەڕێگەی تەلەفۆنەوە ئەنجامیان دەدات.

تا ئێستا لە كەنەدا زیاتر لە 120 كەس توشی ڤایرۆسی كۆرۆنا بون و یەك حاڵەتی مردنیش لەو وڵاتە بە ڤایرۆسەكە تۆماركراوە.


زۆرترین بینراو
© 2020 Awene Online, Inc. All Rights Reserved.
×