ب هەلكەفتا سەرهەلدانا قەزا زاخۆ ل رێكەفتی ( 13 ئادارێ2020 ) ێ ب ئامادەبوونا وەزیرێ كارەبا حكومەتا هەرێمێ و پارێزگەرێ دهوكێ و بەرپرسێن هەردوو كومپانیێن ( شاندز و ئاریان ئیندە ستریت) بەرێ بنیاتی بۆ (2) پرۆژەیان هاتە دانان.
ئاوێنە، وارهێل نێروەیی: ئەندازیار كەمال محەمەد، وەزیرێ كارەبا حكومەتا هەرێما كوردستانێ د پرێس كونفرانسەكێ دا راگەهاند: پیروزباهیا خەلكێ زاخۆ دكەم ب هەلكەفتا سەرهەلدانا زاخۆ و هەروەسا سوپاسیا سەرۆكێ حكومەتێ كر بۆ رەزامەندی لسەر بجهـئینانا زوربەی وان پرۆژەیان ئەوێن وەزارەتا كارەبا پێشنیاز دكەن و ب تەمام بوونا ڤان هەر دوو پرۆژەیان دێ مفایەكێ باش گەهینیتە خەلكێ پارێزگەها دهوكێ بگشتی. پاشان
ناڤهاتی گوت ژی: ئەڤ پرۆژە دێ ب كوژمێ 250 ملیون دولاران بۆ هاتیە تەرخان كرن و داخوازێ ژ هەردوو كومپانیێن جێ بەجێ كار دكەین پابەندبن ب رێنمایێن وەزارەتا كارەبا د وی ماوێ دیار كری پرۆژە دوماهیك بهێت.
سەبارەت پرۆژێن كارەبێ ئاشكرا كر: بریارە چەند پرۆژەیێن دی بەرێ بنیاتی بۆ بهێتە دان ل سنورێ پارێزگەها سلێمانیێ ل (راپەرین و گەرمیان) بۆ بەرهەم ئینانا كارەبی َ ئەوێن ب هێزا ئاڤێ كار دكەن.
ژلایێ خوڤە رێڤەبەرێ گشتی كومپانیا ئاریان ئیندە ستریت دیار كر: ئەڤ شێوازێ بەرهەم ئینانا كارەبێ بشێوەیی تەكنیكا ئاست بلند و جیهانیە و شیان هەنە بێ سوتەمەنی (100) میگاواتێن كارەبێ بەرهەم بینیت و د ئایندەیی دا دێ كار لسەر كارگەهەكا دروستكرنا وێستگەهێن بەرهەم ئینانێ كەت.