2020-03-17 501
ئەمڕۆ سێشەممە ١٧ی ئاداری ٢٠٢٠، راگەیەندرا كە ١١٢ حاڵەتی دیكەی تووشبوون بە جۆری نوێی ڤایرۆسی كۆرۆنا (COVID-19) لە نۆ وڵاتی عەرەبی تۆماركراوە.
ئاوێنه: ئێوارەی دوێنێ دووشەممە دوو كەسی دیكە بە جۆری نوێی ڤایرۆسی كۆرۆنا (COVID-19) لە میسر گیانیان لەدەستداوە و بەوەیش ژمارەی ئەو كەسانەی كە بەهۆی ڤایرۆسەكەوە لەو وڵاتە گیانیان لەدەستداوە بەرزبوویەوە بۆ چوار كەس.
هەر لە میسر ٤٠ حاڵەتی دیكەی تووشبوون بە جۆری نوێی ڤایرۆسی كۆرۆنا (COVID-19) تۆماركرا و بەوەیش ژمارەی تووشبووان بە ڤایرۆسەكە لەو وڵاتە گەیشتە ١٦٦ كەس كە تا ئێستا ٢٦یان چاكبوونەتەوە.
لە ئوردن ١٧ حاڵەتی دیكەی تووشبوون بە جۆری نوێی ڤایرۆسی كۆرۆنا (COVID-19) تۆماركرا و بەوەیش ژمارەی تووشبووان بە ڤایرۆسەكە لەو وڵاتە گەیشتە ٢٩ كەس.
هاوكات ١٥ حاڵەتی دیكەی تووشبوون بە جۆری نوێی ڤایرۆسی كۆرۆنا (COVID-19) لە سعوودیە تۆماركرا و بەوەیش ژمارەی تووشبووان بە ڤایرۆسەكە لەو وڵاتە بەرزبوویەوە بۆ ١٣٣ كەس كە شەش-یان چاكبوونەتەوە.
لای خۆیەوە وەزیری تەندروستی لوبنان، حەمەد حەسەن لە لێدوانێكی رۆژنامەوانییدا، تۆماركردنی ١١ حاڵەتی دیكەی تووشبووون بە جۆری نوێی ڤایرۆسی كۆرۆنا (COVID-19) راگەیاند.
حەمەد حەسەن باسی لەوەشكرد كە كۆی ژمارەی تووشبووان بە ڤایرۆسی كۆرۆنا لە لوبنان بەرزبووەتەوە بۆ ١٢٠ كەس.
لە لایەكی دیكەوە نۆ حاڵەتی دیكەی تووشبوون بە جۆری نوێی ڤایرۆسی كۆرۆنا (COVID-19) لە عێراق تۆماركرا و بەوەیش ژمارەی تووشبووان بە ڤایرۆسەكە لەو وڵاتە بەرزبوویەوە بۆ ١٣٣ كەس کە تا ئێستا، ٣٢یان چاكبوونەتەوە و ١٠ی دیكەشیان گیانیان لەدەستداوە.
لە مەغریب نۆ حاڵەتی دیكەی تووشبوون بە جۆری نوێی ڤایرۆسی كۆرۆنا (COVID-19) تۆماركراوە و بەوەیش ژمارەی تووشبووان بە ڤایرۆسەكە لەو وڵاتە بەرزبوویەوە بۆ ٣٧ كەس.
لە جەزائر پێنج حاڵەی دیكەی تووشبوون بە جۆری نوێی ڤایرۆسی كۆرۆنا (COVID-19) تۆماركرا و بەوەیش ژمارەی تووشبووان بە ڤایرۆسەكە لەو وڵاتە بەرزبوویەوە بۆ ٦٠ كەس.
هاوكات سەرۆكوەزیرانی تونس، ئەلیاس فەخفاخ راگەیاند كە ژمارەی تووشبووان بە جۆری نوێی ڤایرۆسی كۆرۆنا (COVID-19) لەو وڵاتە بەرزبووەتەوە بۆ ٢٤ كەس، دوای ئەوەی چوار حاڵەتی دیكەی تووشبوون بە ڤایرۆسەكە تۆماركراوە.
دوو حاڵەتی دیكەی تووشبوون بە جۆری نوێی ڤایرۆسی كۆرۆنا (COVID-19) لە سوڵتانشینی عومان تۆماركرا و بەویش ژمارەی تووشبووان بە ڤایرۆسەكە لەو وڵاتە بەرزبوویەوە بۆ ٢٤ كەس كە تا ئێستا سێیان چاكبوونەتەوە.