2020-03-17   761     
دامەزراوەی بەرنامەو بودجەی كۆماری ئیسلامی ئێران قەرەبووی سێ ملیۆن هاووڵاتی دەكاتەوە، كە بەهۆی ڤایرۆسی كۆرۆناوە زیانیان پێگەیشتووە.
ئاوێنه: ئاژانسی ئابوری و وزەی ئێران لەوبارەیەوە بڵاویكردوەتەوە: "دامەزراوەی بەرنامەو بودجەی ئێران زیاتر لە 3 ملیۆن هاووڵاتی كە بەهۆی كۆرۆناوە زیانیان پێگەیەنراوە، قەرەبوو دەكاتەوە".
رونیشكراوەتەوە:" قەرەبووەكە بەپێی ئەندامانی خێزان دەبێت، بۆ نمونە خێزانێكی یەك كەسی 200 هەزار تومەن، دوو كەسی 300 هەزارتومەن، 3 كەسی 400 هەزار تومەن، 4 كەسی 500 هەزار تومەن، قەرەبوو وەردەگرن".
ئاماژە بەوەشدراوە:" قەرەبووەكە لەڕێگەی بانكەوە دەچێتە سەر ژمارە حسابیەكەیان".