بهپێی قسهی
ئهحمهد حاجی رهشید، بڕیاردهری لیژنهی دارایی لهپهرلهمانی عێراق، بهغدا رهزامهندی
نیشانداوه لهم مانگهوه موچهی فهرمانبهرانی ههرێمی كوردستان بهگوێرهی
یاسای بودجهی 2019ی عێراق رهوانه بكات.
ئاوێنه: ئەحمەد
حاجی رەشید، بڕیاردەری لیژنەی دارایی له پهرلهمانی عێراق، ئهمڕۆ چوارشهممه لەپەراوێزی
شەشەمین دیداری سلێمانی كە لەزانكۆی ئەمریكی بەڕێوەدەچێت بە رۆژنامەنوسانی رایگەیاند"ئەنجومەنی
وەزیرانی عێراق رەزامەندی دەربڕیوە لەسەر رەوانەكردنی موچەی فەرمانبەرانی هەرێم و هێزەكانی
پێشمەرگەو لەم مانگەشەوە بەپێی یاسای بودجەی 2019ی عێراق رەوانە دەكرێت."
وتیشی"حكومەتی عێراق بڕی 545 ملیار دینار بۆ موچەی
فەرمانبەران و 68 ملیار دیناریش بۆ هێزەكانی پێشمەرگە دەنێرێت، چونكە بڕگەی (ج)ی ماددەی
10ی یاسای بودجە حكومەتی پابەند كردوە بۆ ناردنی موچە."
ئاشكراشیكرد"لەیاسای
بودجەی 2019ی عیراق دا هاتوە كە هەرێم رۆژانە 250 هەزار بەرمیل رادەستی كۆمپانیا سۆمۆ
بكات لەبەرامبەردا حكومەتی فیدراڵی پشكی هەرێم لەبودجە خەرج دەكات."
بڕیاردەری لیژنەی دارایی پەرلەمانی عیراق ئەوەشی
وت"حكومەتی هەرێم لەدو مانگی رابردودا نەوتەكەی رادەستی بەغدا نەكردوە، بەڵام
حكومەتی عیراق بەپێی یاسای بودجەی ساڵی رابردو موچەی فەرمانبەرانی رەوانەكردوە كە بڕەكەی
317 ملیار دینار بوە، بۆیە لەمەودوا لەسەر رەزامەندی ئەنجومەنی وەزیران بەپێی یاسای
نوێی بودجە موچەی فەرمانبەران و پێشمەرگە رەوانە دەكرێت."