پێرل پترۆلیه‌م و حكومه‌تی هه‌رێم گرێبه‌ستێكی 20 ساڵه‌ ئیمزاده‌كه‌ن
  2019-03-06       320       

پێرل پترۆلیه‌م و حكومه‌تی هه‌رێمی كوردستان گریبه‌ستكی 20 ساڵه‌یان ئه‌نجامدا ئه‌وه‌ش به‌ ئامانجی به‌رزكردنه‌وه‌ی ئاستی به‌رهه‌مهێنانی غاز له‌ كێڵگه‌ی كۆرمۆر.

ئاوێنه‌: كۆمپانیای دانه‌غاز كه‌ یه‌كێكه‌ له‌ هاوبه‌شه‌ سه‌ره‌كییه‌كانی پێرل پترۆلیه‌م، له‌ڕاگه‌یه‌ندراوێكدا بڵاویكرده‌وه‌ كه‌ پێرل پترۆلیه‌م گرێبه‌ستێكی نوێی 20 ساڵه‌ی له‌گه‌ڵ حكومه‌تی هه‌رێمی كوردستان ئه‌نجامداوه‌ بە مەبەستى بەرهەمهێنان و فرۆشتنى 250 ملیۆن پێ سێجاى دیكه‌ غاز لە رۆژێکدا کە پێر پترۆلیه‌م مەبەستیەتی تا ساڵی 2021 بەرهەمی بهێنێت وەک بەشێک لە پلانەکانى فراوانکردن  لە هەرێمى کوردستانى عێراق لە پێناو زیادکردنی ئاستى بەرهەمهێنانى کارەبا لەهەرێمه‌كه‌ بۆ پڕکردنەوەى پێویستى ناوخۆ.

ئاشکرای کردوە؛ گرێبەستەکە رۆژی 19ی شوبات لەگەڵ ئاشتی هەورامی ئەنجامداوە، ئەوەش دوای پاکتاوکردنی کێشەکانی هەردو لایەن لەسەر دۆسیەی غاز.

بەپیی رێککەوتنە نوێیەکە، دو یەکەی دیکەی بەرهەمهێنانی غاز لە کێڵگەی کۆرمۆر دادەمەزرێت لەگەڵ هەڵکەندنی ژمارەیەک بیری دیکە بۆ بەرزکردنەوەی ئاستی بەرهەمهێنانی غاز لە 400 ملیۆن پێ سێجاوە بۆ 650 ملیۆن پێ سێجای رۆژانە تا ساڵی 2021و دواتر بەرزکردنەوەی ئاستی بەرهەمهێنان بۆ 900 ملیۆن پێ سێجا تا ساڵی 2022، لەگەڵ بەرهەكهێنانی 106 هەزار بەرمیل نەوتی رۆژانە، کە ئەوەش بەرزترین ئاستی بەرهمهێنانە لەکێڵگەکانی غاز لە عێراقدا.

کۆمپانیای دانەغازی ئیماراتی رایگه‌یاند؛ مانگی ئابی ساڵی 2017 سەرجەم کێشەکانیان له‌گه‌ڵ حكومه‌تی هه‌رێمی كوردستان پاکتاوکردوە لە دادگاو سەرجەم شایستە داراییەکانیان لە حکومەتی هەرێم وەرگرتوە، بەوەش کۆمپانیای پێرڵ پترۆلیه‌م دەست دەکاتەوە بە بەرهەمهێنان و پەرەپێدانی کێڵگەکانی غاز لە کۆرمۆر و چەمچەماڵ.


زۆرترین بینراو
© 2018 Awene Online, Inc. All Rights Reserved.
×