قایمقامێ قەزا دهوكێ، بریارا دائێخستنا هەمی پیشانگەهێن ترۆمبێلا و نڤیسینگەهێن كرین و فروتنا عەرد و خانیا هاتەدان هەروەسا بریارا گرتنا بازارێ مەزنێ دهوكێ ژی كەفتە دبوارێ بجهئینانێ هاتە گرتن.
ئاوێنە، وارهێل نێروەیی: جەهوەر مستەفا، قایمقامێ قەزا دهوكێ دیار كر: ئەڤرۆ رۆژا دووشەمبی 16 ێ ئادارا 2020 ێ ژپێخەمەت بەرژەوەندیا گشتی و خوپاراستن و رێگیری كرن و بەرەنگاری بوونا ڤایروسێ كۆرۆنا بریار هاتە دان هەمی پیشانگەهێن ترومبێلا و نڤیسینگەهێن عەرد و خانیا بهێتە دائێخستن بۆ دەمەكێ نەدیار هەر كارەكێ پێدڤی بیت ژبۆ خوپاراستنێ دهێتە كرن.
گوت ژی: پشتی دیفچوونا ڤی بابەتی هاتیە كرن هەر جهەكێ گەلەك قەلەباغ لێ دروست بیت بهێتە دائێخستن لەورا ئەڤ بریارە هاتە دان بۆ گرتنا ڤان جهێن هاتینە دیاركرن.
ژلایێ خوڤە هەر ئەڤرۆ بریارا گرتنا بازارێ دهوكێ كەفتە دبوارێ بجهئینانێ دا و هەمی سەرتراشخانە و جوانكاری هاتنە گرتن.