2019-03-08   1129     
قوباد تاڵهبانی رایدهگهیهنێت كه پارەی پاشەكەوتكراوی موچەخۆران قەرزێكە لەگەردنی حكومەتی هەرێمی كوردستان، جهخت لهوهش دهكاتهوه كه چاویان لەوەیە لەبۆنەیەكی مژدەبەخشدا چۆنیهتیو میكانیزمی گێڕانەوەی ڕابگەیەنن.
ئاوێنه: قوباد تاڵهبانی جێگری سهرۆكوهزیرانی عێراق لهپۆستێكدا لهفهیسبوك نوسیویهتی، "پارەی پاشەكەوتكراوی موچەخۆرانی حكومەت قەرزێكە لەگەردنی حكومەتی هەرێم، وەك چۆن ئێستا هەڵگرتنی پاشەكەوت ڕادەگەیەنین، ئاوەهاش چاومان لەوەیە لەبۆنەیەكی هاوشێوەی ئاوەها مژدەبەخشدا چۆنیهتیو میكانیزمی گێڕانەوەی ڕابگەیەنین."
راشیگهیاندووه، "ئێمە وەك چۆن ئەمڕۆ دڵی موچەخۆرانو فەرمانبەران خۆش دەكەین، ئاوەهاش پابەندین بەهەوڵی چڕ بۆ دۆزینەوەی هەلی كار بۆ گەنجانو لاوان. شەو ئەخەینە سەر رۆژ بۆ جوڵاندنی بازاڕو بەهێزكردنی كەرتی تایبەتو واڵاكردنی دەرگاكانی وەبەرهێنان بۆ ئەوەی خۆشیو شادی هەمو لایەك بێ جیاوازی بگرێتەوەو ئەركی ئێمە تەنها بەخەمخۆریی فەرمانبەرەكان كۆتایی نایەت، بەڵكو پەل دەهاوێت بۆ تاك بەتاكی كوردستان."
ئهم وتانهی تاڵهبانی پاش ئهوه دێت كه ئهمرۆ ههینی حكومهتی ههرێمی كوردستان بریاری ههڵگرتنی سیستهمی پاشهكهوتی موچهی موچهخۆرانی ههرێمی كوردستانی راگهیاند.