لیژنەی
تەندروستی نیشتمانی چین رایگەیاند: لەسەدا 87.9ی كۆی گشتی ئەوانەی توشی ڤایرۆسی
كۆرۆنا بون لەسەرتاسەری وڵاتەكە چاكبونەتەوە، بۆ رۆژی دوەمیش هیچ حاڵەتێكی نوێی
توشبون لەو وڵاتە تۆمارنەكراوە.
ئاوێنە: لیژنەی
تەندروستی نیشتمانی چین، ئەمڕۆ هەینی رایگەیاند: ژمارەی توشبوانی ڤایرۆسی كۆرۆنا
كە لە نەخۆشخانەكانی دەرەوەی كەرتی هوبی چارەسەر وەردەگرن كەمبۆتەوە بۆ تەننها 282
توشبو.
لیژنەی تەندروستی نیشتمانی چین ئەوەشی
خستۆتەڕو كە لەماوەی 24 سەعاتی رابردودا هیچ توشبویەك لەنێوخۆی چین تۆمارنەكراوە
جگە لە 39 توشبو كە هەمویان لە دەرەوەی وڵاتەوە گەڕاونەتەوەو هەروەها سێ حاڵەتی
نوێی گیانیانلەدەستدان تۆماركراون و 730 توشبوش چاكبونەتەوە.