2020-03-28   400     
سەرۆكی ئەمریكا پاكێجی ئابووری بە بڕی دوو ملیار دۆلار و ٢٠٠ ملیۆن دۆلار بۆ رووبەڕووبوونەوەی ڤایرۆسی كۆرۆنای نوێ (COVID-19) لەو وڵاتە پەسند كرد.
ئاوێنه: لەمیانی رێورەسمێكدا كە لە كۆشكی سپی رێكخرابوو، دۆناڵد ترەمپ، سەرۆکی ئەمریکا و بە بەشداری جێگرەكەی، مایك پێنیس و ستیفن منوچین، وەزیری گەنجینە لەگەڵ ژمارەیەك وەزیر و ئەندامانی كۆنگرێس، ئەو پاكێجە ئابوورییەی پەسەندكرد.
هاوکات لە وتەیەكەدا سەرۆكی ئەمریكاـ دۆناڵد ترەمپ وتی، “سوپاسی دیموكرات و كۆمارییەكان دەكەم كە بەرژوەندییەكانی وڵاتیان خستووەتەسەر سەر هەموو شتێكەوە”.
ئەمە پاكێجە ئابوورییە بەگەورەترین پاكێج لەمێژووی ئەمریكادا دادەنرێت كە لەچوارچێوەیدا بڕێكی زۆری كەمامە، ئامێری هەناسەدان لەگەڵ كەرەستەی دیكەی پزیشكی بۆ بنكە و ناوەندە تەندروستییەكان لە ئەمریكا دابین دەكرێت، هەروەها قەرزیش دەدرێت بەو هاووڵاتییانەی كە ئێستا بەهۆی بڵاوبوونەوەی ڤایرۆسی كۆرۆناوە زیانیان بەركەوتووە.
هەروەها لە چوارچێوەی پاكێجە ئابوورییەكەدا، بۆ یەكجار یارمەتی دارایی بە بڕی هەزار و ٢٠٠ دۆلار دەدرێت بە هاووڵاتییان، جگە لەوەش بڕی ٣٧٧ ملیار دۆلار بەسەر كۆمپانیا بچووك و مامناوەندەكان دابەش دەكرێت، هەروەها قەرزی قوتابیان بە قوتابخانەكان تا ٣٠ی مانگی ئەیلوولی داهاتووی پێ دەدرێتەوە.