بەشیر حەداد: داوا دەکەین حکوومەتی فیدڕاڵ قەرەبووی کەسوکاری شەهیدانی ئاڵتون کۆپری بکاتەوە
  2020-03-28       446       
جێگری سەرۆکی ئەنجومەنی نوێنەرانی عێراق لە بیرەوەی ٢٩ ساڵەی روداوەکەی تازە و دوزخورماتوو و ئاڵتون کۆپری و کەرکووک، پەیامێکی بڵاوکردەوە.

لەمیانی ساڵوەگەرانی ٢٩ ساڵەیکۆمەڵکوژییەکەی ئاڵتون کۆپری، بەشیر حەداد، جێگری سەرۆکی ئەنجوومەنی نوێنەرانی عێراق پەیامێکی بڵاوکردەوە و تێیدا داوای کردووە حکوومەتی فیدڕاڵی قەرەبووی مادی و مەعنەوی خانەوادەی شەهیدانی ئەو رووداوە بکات.

هاوکات لە پەیامەکەدا هاتووە، “لە بیرەوەری ٢٩ ساڵەی ئەو تاوانەی کە لە تازە و دوزخورماتوو و پردێ و کەرکووک کە لە ٢٨ی مانگی ئازاری ساڵی ١٩٩١ لە لایەن حکومەتی بەعسی روخاوەوە بەرامبەر بە هاوڵاتیانی تورکمانی کرا، دکتۆر بەشیر خەلیل حەداد، جێگری سەرۆکی ئەنجومەنی نوێنەرانی عێراق سەرەخۆشی لە کەسوکارو خانەوادەی شەهیدانی ئەو رووداوە دڵتەزێنە دەکات کە بەهۆیەوە ژمارەیەکی زۆر لە هاوڵاتیانی پێکهاتەی تورکمانی بونە قوربانی و ماڵ و حاڵیان وێران کرا و گەنجەکانیان شەهید کران، ئەوەش بە ئامانجی سڕێنەوەی ناسنامەی تورکمانی”.

هاوکات حەداد وتوویەتیشی، “‎جێگری سەرۆکی ئەنجومەنی نوێنەرانی عێراق داوا لە حکومەتی فیدراڵی دەکات، قەرەبووی مادی و مەعنەوی خانەوادەی شەهیدان بکاتەوە و گرەنتی مافی منداڵانی شەهید بکات و کار بکات بۆ سڕینەوەی ئاسەواری ئەو رووداوانە و چەسپاندنی دادوەری کۆمەڵایەتی و گرنگی دان بەو ناوچانەی کە زیانیان بەرکەوتووە لەسەردەمی رژێمی بەعس دا و پاراستنی تەواوی پێکهاتەکانی گەلی عێراق بە هەموو نەتەوە و ئایینەکانیەوە”.
 

دەقی پەیامەکە: 
د.بەشیر حەداد لە بیرەوەی ٢٩ ساڵەی روداوەکەی تازە و دوزخورماتوو و پردێ و کەرکووک، داوا لە حکومەتی فیدراڵی دەکات قەرەبووی مادی و مەعنەوی خانەوادەی شەهیدانی ئەو روداوە بکاتەوە

‎لە بیرەوەری ٢٩ ساڵەی ئەو تاوانەی کە لە تازە و دوزخورماتوو و پردێ و کەرکووک کە لە ٢٨ی مانگی ئازاری ساڵی ١٩٩١ لە لایەن حکومەتی بەعسی روخاوەوە بەرامبەر بە هاوڵاتیانی تورکمانی کرا، دکتۆر بەشیر خەلیل حەداد، جێگری سەرۆکی ئەنجومەنی نوێنەرانی عێراق سەرەخۆشی لە کەسوکارو خانەوادەی شەهیدانی ئەو رووداوە دڵتەزێنە دەکات کە بەهۆیەوە ژمارەیەکی زۆر لە هاوڵاتیانی پێکهاتەی تورکمانی بونە قوربانی و ماڵ و حاڵیان وێران کرا و گەنجەکانیان شەهید کران، ئەوەش بە ئامانجی سڕێنەوەی ناسنامەی تورکمانی.
‎جێگری سەرۆکی ئەنجومەنی نوێنەرانی عێراق داوا لە حکومەتی فیدراڵی دەکات، قەرەبووی مادی و مەعنەوی خانەوادەی شەهیدان بکاتەوە و گرەنتی مافی منداڵانی شەهید بکات و کار بکات بۆ سڕینەوەی ئاسەواری ئەو رووداوانە و چەسپاندنی دادوەری کۆمەڵایەتی و گرنگی دان بەو ناوچانەی کە زیانیان بەرکەوتووە لەسەردەمی رژێمی بەعس دا و پاراستنی تەواوی پێکهاتەکانی گەلی عێراق بە هەموو نەتەوە و ئایینەکانیەوە.

‎نوسینگەی راگەیاندنی جێگری سەرۆکی ئەنجومەنی نوێنەرانی عێراق
‎شەممە ٢٠٢٠/٣/٢٨
زۆرترین بینراو
© 2020 Awene Online, Inc. All Rights Reserved.
×