وەزارەتی تەندروستی حكومەتی هەرێمی كوردستان توشبونی سێ كەسی دیكەی بە
كۆرۆنا لە هەرێمی كوردستان راگەیاند.
ئاوێنە: وەزارەتی تەندروستی حكومەتی هەرێمی كوردستان، ئەمشەو(شەممە)، لە
ڕاگەیەندراوێكدا وتی"لە بەردەوامی پشکنینەکان و گەڕان بەدوای گومانلێکراوان،
سێ توشبوی ڤایرۆسی کۆڕۆنای نوێ COVID-19 دەستنیشانکران."
بەگوێرەی راگەیەندراوەكە توشبوەكان پێكدێن لە: دو پیاوی تەمەن (19) و (21)
ساڵان لە شاری دهۆک و ئاکرێ و ئافرەتێکی تەمەن (70) ساڵان لە قەزای دەربەندیخان و
هەمویان بەرکەوتەی توشبوانی پێشون.