مەفرەزەكانی بەشی
پۆلیسی قەرەداخ تۆمەتبارێكیان دەستگیركرد كە تەقەی لە باوكی كردبو و هەڵاتبو.
ئاوێنە:
بەڕێوەبەرایەتی پۆلیسی پارێزگای سلێمانی، لە راگەیەندراوێكدا وتی: پێشنیوەڕۆی ئەمڕۆ
دوشەممە بەشی پۆلیسی قەرەداخ ئاگاداركرایەوە لە بونی ڕوداوێكی تەقەكردن لە گوندێكی
سنوری قەزای قەرەداخ، دەستبەجێ مەفرەزەكانی بەشی پۆلیسی قەرەداخ بەهەماهەنگی لەگەڵ
ئاسایشی سنورەكە گەیشتنە شوێنی مەبەست و كەشف و هێڵكاری شوێنی ڕوداوەكە كراو دەركەوت
كە تۆمەتبار باوكی بەفیشەك برینداركردوەو هەڵاتوە.
هێزەكانی پۆلیس
و ئاسایشی سنورەكە لێكۆڵینەوەكانیان دەستپێكردو توانرا تۆمەتبار لەگوندێك دەستگیربكرێت
و دەستیشبگیرێت بەسەر چەكێكی جۆری كڵاشینكۆف كە تۆمەتبار بەكاریهێناوە.
لە ئێستادا تۆمەتبار
(ب. س. ج.) لەدایكبوی 1999، دانیشتوی گوندی "تلەزەیت" لەسنوری قەزای قەرەداخ،
بەبڕیاری دادوەرو بەپێی ماددەی 405-31 لەیاسای سزادانی عێراقی ڕاگیراوە.