سەرۆكایەتی دادگای تێهەڵچونەوەی ناوچەی سلێمانی چەند رێنماییەكی سەبارەت بە چۆنیەتی دابەشكردنی موچەی فەرمانبەران و دادوەرانی ناوشارو دەرەوەی شار بڵاوكردەوە كە بڕیارە سبەی سێشەممە 31/03/2020 دابەش بكرێت.

ئاوێنە: سەرۆكایەتی دادگای تێهەڵچونەوەی ناوچەی سلێمانی لە راگەیەندراوێكدا وتویەتی: ئاگاداری فەرمانبەران و دادوەرانی ناوشارو دەرەوەی شار دەکەین کە ڕۆژی سێشەممە ٢٠٢٠/٣/٣١ موچە دابەشدەکرێت، بەلەبەرچاوگرتنی ئەم ڕێنماییانەی خوارەوە:

- دادگاكانی دەرەوەی شار کاتژمێر ١٢:٠٠ ی نیوەڕۆ ئامادەبن، تکایە پێش کاتی دیاریکراو سەردان مەکەن.

- دادگاكانی (تاوانەکان، بەرایی، کەتن، باری کەسیەتی، لێکۆڵینەوە) لیژنەکانیان کاتژمێر ١٢:٣٠ سەردانی بەشی ژمێریاری بکەن.

- دادوەران و فەرمانبەرانی دادگای تێهەڵچونەوەی سلێمانی کاتژمێر ١:٠٠ی پاشنیوەڕۆ ئامادەبن.

هێماشی بۆ ئەوەش كردوە:

- پێویستە سەرجەم فەرمانبەران پەیوست بن بە ڕێنماییە تەندروستییەکانی وەک بەرکاهێنانی ماسک و دەستکێش ..هتد.

- بۆ ڕێگری لەدروستبونی قەرەباڵغی كەسێك دەتوانێت موچە بۆ چەند کەسێکی نزیك لەخۆی وەربگرێت.

- لیژنەی موچە تەنها ڕۆژی سێشەممە دادەنیشێت.

-بۆ ئاسانکاری هاتوچۆیان پێویستە فەرمانبەران ناسنامەی فەرمانبەرێتیان پیێبێت.