2020-03-31   1065     
لە چاڵاکییەکی هاوبەشدا بەڕێوەبەرایەتی گشتی تەندروستی هەولێر، بانکی خوێن و سەنتەری تالاسیما هەڵمەتێکی یەک هەفتەییان دەستپێکرد بۆ دابین کردنی خوێن.
ئاوێنه: هەڵمەتەکە ئەمڕۆ سێشەممە ٣١ی ئاداری ٢٠٢٠ دەستیپێکرد و تا ٦ی نیسانی داهاتوو بەردەوام دەبێت. مەبەست لە ئەنجام دانی ئەم هەڵمەتە دابین کردنی خوێنە بۆ ناوەندی تالاسیما، نەخۆشەکانی شێرپەنجە و چەندین بواری دیکەی تەندروستی.
لە هەڵمەتەکەدا ئەوە راگەیەندرا کە سەنتەری تالاسیما پێیوستی بە بڕێکی زۆری خوێنە و رەسیدی خوێنی سەنتەری تالاسیما لە بانکی خوێندا کەمی کردووە. ئەمەش دەبێتە هۆی دروستبوونی مەترسی لەسەر پاراستنی گیانی تووشبووانی تالاسیما.