2020-03-31 20856
وەزارەتی تەندروستی حكومه‌تی هه‌رێمی كوردستان ئاشكرای ده‌كات كه 8 توشبوی نوێی ڤایرۆسی کۆڕۆنا له‌شاری سلێمانیو شاری دهۆك تۆماركراوه.
ئاوێنه: وەزارەتی تەندروستی له‌ڕاگه‌یه‌ندراوێكدا ڕونیكردۆته‌وه كه لەبەردەوامی پشکنینەکان‌و گەڕان بەدوای گومانلێکراوان، ھەشت توشبوی ڤایرۆسی کۆڕۆنای نوێ COVID-19 دەستنیشانکران، بەم شێوەیەی خوارەوە:
- پێنج لەتوشبووان لەشاری سلێمانی (چوار ئافرەت‌و یەک پیاو) کە چوار لەوان بەرکەوتەی توشبووانی پێشون‌و یەک لەوان حالەتی نوێیە، سێ لەتوشبووان دانیشتوی سلێمانیو دو لەتوشبووان دانیشتوی قەزای دەربەندیخانن.
- سێ لەتوشبووان لەشاری دهۆک (دو پیاوو یەک ئافرەت) کە دو لەوان دانیشتوی قەزای زاخۆو یەک لەوان دانیشتوی قەزای ئامێدییە.
به‌تۆماركردنی ئه‌م 8 حاڵه‌ته نوێیه، ژماره‌ی توشبووان به‌ڤایرۆسی كۆرۆنا له‌هه‌رێمی كوردستان بۆ 170 توشبو به‌رزبوه‌وه، له‌و ژماره‌یه تائێستا 61 توشبو چاكبونه‌ته‌وه‌و دو له‌توشبوانیش گیانیانله‌ده‌ستداوه.