بەپێی دوایین
ئامار لە ئەمریكا ژمارەی ئەوانەی بە كۆرۆنا گیانیان لەدەستداوە چوار هەزار كەسی
تێپەڕاندوە.
ئاوێنە: زانكۆی
"جۆنز هۆبكنز"ی ئەمریكی، ئەمڕۆ چوارشەممە رایگەیاند، كۆی گشتی ژمارەی
گیانلەدەستدان بە كۆرۆنا لە ئەمریكا گەیشتۆتە چوار هەزارو 79 كەس، لەكاتێكدا شەوی
رابردو سێشەممە، رایگەیاندبو كە كۆی ژمارەی گیانلەدەستدان بە كۆرۆنا سێ هەزارو 873
كەسە.
هەروەها ئاشكراشیكردوە كە تا ئێستا لە
ئەمریكا 189 هەزارو 600 كەس توشی ڤایرۆسی كۆرۆنا بون كە لەڕوی ژمارەی توشبوانەوە
ئەمریكا لە ریزبەندی یەكەمی وڵاتاندایە.