كەشناسی هەرێمی كوردستان رایگەیاند: ئەمڕۆ چوارشەممە و سبەی پێنجشەممە
بارانبارین لە پارێزگاكانی هەرێمی كوردستان بەردەوام دەبێت و لە هەندێك كاتیشدا
بارانی بە لێزمە دەبارێت.
ئاوێنە: بەڕێوەبەرایەتی گشتی كەشناسی و بومەلەرزەزانی هەرێمی كوردستان،
لەڕاگەیەندراوێكدا باری كەشوهەوای ئەمڕۆ و سبەی شارەكانی باشوری كوردستان خستەڕو.
بەگوێرەی راگەیەندراوەكە ئامانی ئەمڕۆی پارێزگاكانی هەولێر، سلێمانی و دهۆك
هەوری تەواو دەبێت لەگەڵ بارینی بارانی پچڕپچڕ بەڵام لە كاتەكانی ئێوارەو شەودا
بارانی بەلێزمە دەبارێت و هەندێك جار هەورەتریشقەشی لەگەڵ دەبێت.
بەگوێرەی كەشناسی هەرێمی كوردستان هەرچی ئاسمانی پارێزگای كەركوكە، ئەمڕۆ
لەنێوان نیمچە هەور بۆ هەوری تەواودا دەبێت لەگەڵ بارینی باران لەكاتی شەودا.
سەبارەت بە كەشوهەوای سبەی پێنجشەممە، كەشناسی ئاماژەی بەوەداوە كە ئاسمانی
پارێزگاكانی هەولێر، سلێمانی و دهۆك لەنێوان نیمچە هەور بۆ هەوری تەواو دەبێت
لەگەڵ بارینی بارانی پچڕپچڕ، بەڵام ئاسمانی كەركوك لەنێوان پەڵەهەور بۆ نیمچە
هەوردا دەبێت بەبێ بارینی باران.