2020-04-01   267     
وەزارەتی تەندروستی نیگەرانە لەوەی هێشتا هەندێك هاووڵاتی بەردەوامن لە هاتنە دەرەوە دەڵێت ''لە ماڵەوە بمێننەوە با كۆنترۆڵی دۆخەكە لەدەست نەدەین''.
ئاوێنه: ئەمشەو وەزارەتی تەندروستی هەرێمی كوردستان رایگەیاند ''نیگەرانین تا ئێستا هەندێک هاووڵاتی بەرکەوتنی کەسانی تر و هاتنە دەرەوە و یەکتر بینینان هەیە''.
روونیشیكردەوە كە هەر یەکتربینین و بەرکەوتنێک ئەگەری ترسناکی تووشبوون بە كۆرۆنا، چەندین جار زیاد دەکات.
وەزارەتی تەندروستی راشیگەیاند تکایە لە دەرگای ماڵەکانتان مەیەنە دەرەوە، با دووربین لە کارەساتی تەشەنەکردن و لەدەستدانی کۆنتڕۆڵ.