وەزارەتی تەندروستی هەرێمی کوردستان رایگەیاند، ئەمڕۆ 12 حاڵەتی نوێی توشبون بە ڤایرۆسی کۆرۆنا لە سلێمانی تۆمارکراون.
ئاوێنه: وەزارەتی تەندروستی هەرێمی کوردستان لە راگەیەنراوێکدا ئاماژەی بەوەشکردوە، لە بەردەوامی پشکنینەکان و گەڕان بەدوای گومانلێکراوان، 12 توشبوی ڤایرۆسی کۆڕۆنای نوێ COVID-19 لە شاری سلێمانی دەستنیشانکران کە نۆ ئافرەت و سێ پیاون.
ئەوەش هاتوە، توشبوانی نوێ کۆرۆنا پێنج حاڵەتیان لە پارێزگا هەڵەبجە، پێنج حاڵەتیان لە قەزای چەمچەماڵ، حاڵەتێک لە سیتەک و حاڵەتێکیش لە قەزای سیدسادق کە پێشینە گەشتی ئێرانی هەبوە تۆمارکراون.
بە گوێرەی ئامارە فەرمییەکان تا ئێستا 188 حاڵەتی توشبون بە ڤایرۆسی کۆرۆنا لە هەرێمی کوردستان تۆمارکراون، لەو ژمارەیەش 61 کەسیان چاکبونەتەوە و دو حاڵەتی گیانلەدەستدانیش هەبوە.