2020-04-02 974
شاری شنجن وەکو یەکەم شار بڕیاریدا فرۆشتنی گۆشتی پشیلە و سەگ قەدەغە بکات بەهۆی بڵاوبوونەوەی پەتای ڤایرۆسی کۆڕۆنا. بڕیار وایە بڕیارەکەی دەسەڵاتدارانی شاری شنجن لە ١ی مانگی ئایارەوە بچێتە بواری جێبەجێکردن.
ئاوێنه: دەسەڵاتدارانی پارێزگای شنجن لە چین بڕیاریان داوە فرۆشتنی گۆشتی پشیلە و سەگ قەدەغە بکرێت و بڕیارەکەش لە ١ی مانگی ئایارەوە دەجێتە بواری جێبەجێکردنەوە. لە روونکردنەوەی پارێزگاکە هاتووە، ''پشیلە و سەگ وەکو ئاژەڵی ماڵی زیاتر پەیوەندییان لەگەڵ مرۆڤ هەیە، قەدەغەکردنی خواردنی ئەو جۆرە ئاژەڵانە لە وڵآتانی پێشکەوتوو وەکو هۆنگ کۆنگ و تایوان رێکارێکی گشتییە''.
هاوکات رێکخراوی بەرگریکاری مافەکانی ئاژەڵ رایگەیاندووە کە بە خۆشحاڵییەوە پێشوازی لەو بڕیارەی پارێزگای شنجن دەکەن.
بەپێی هەمان رێکخراو، لە چین ساڵآنە ٤ ملیۆن پشیلە و ١٠ ملیۆن سەگ بەمەبەستی خواردن دەکوژرێت.