دۆناڵد ترەمپ، سەرۆکى ئەمریکا رایگەیاند، بۆ جارى دوەم پشکنینى ڤایرۆسی کۆرۆناى
کردوە و ئەنجامەكەی دەریخستوە هەڵگرى ڤایرۆسەکە نەبوە.
ئاوێنە: دۆناڵد ترەمپ لە کۆنگرەیەكی رۆژنامەوانیدا
رایگەیاند: لەلایەن تیمى پزیشکی لە کۆشکی سپی، بۆ دوەمجار پشکنینى بۆ کراوەتەوە و یەک
خولەکى پێچوەو دواتر چوەتە سەر کار و چاوەڕێی ئەنجامەکانى نەکردوە.
ئاماژەى بەوەشکردوە،
هەرچەندە پشکنینەکەى یەک خولەکى پێچو، بەڵام دەرچونی ئەنجامى پشكنینەكە ١٥ خولەکى
خایاندوە.
پێشتریش دۆناڵد
ترەمپ پشکنینێکى دیکەى کۆرۆناى کردبو و ئەنجامەكەی نێگەتیڤ بو و لەماوەکانى رابردوشدا
ئامێرێکى پشکنینى کۆرۆناى لە ئەمریکا ناساند و بە وتەى خۆى دەتوانێت بە پێنج خولەک
ئەنجامى پشکنینى کۆرۆنا ئاشکرابکات.