2020-04-04   663     
بەهۆی تەشەنەكردنی ڤایرۆسی كۆرۆنا لە توركیا و خراپیی رەوشی زیندانەكان، حكوومەتی توركیا لە بەرنامەی دایە زۆرێك لە زیندانەكان ئازاد بكات، بەڵام بە مەرج و بە گوێرەی زانیارییەكانیش سەلاحەدین دەمیرتاش هاوسەرۆكی پێشووی هەدەپە داوای ئازادكردنی كردووە.
ئاوێنه: ماڵپەڕێكی توركی ئاشكرای دەكات، پارێزەری تایبەتیی دەمیرتاش بە فەرمی و لەڕێگەی یاداشتێكدا داوای لە وەزارەتی داد كردووە كە دەمیرتاش ئازاد بكەن.
لە یاداشتەكەدا هاتووە، كە رەوشی زیندانەكان لەوپەڕی خراپییە و تیمە تەندروستییەكان وەك پێویست نین، بۆیە ئەگەری بڵابوونەوەی كۆرۆنا بەهێزە، بۆیە داوا دەكەن دەمیرتاش ئازاد بكرێت.
تاكوو ئێستا لەلایەن وەزارەتی دادەوە هیچ وەڵامێكی ئەو یاداشتەی پارێزەری دەمیرتاشیان نەداوەتەوە، بەڵام وەكوو ئەوەی ماڵپهرهكه باسی دەكات، چاوەڕوان دەكرێت لە نزیكترین كاتدا وەڵام بدرێتەوە.
٣ رۆژ بەرلە ئێستا سەرۆك شارەوانییەكی لە كارلادراوی هەدەپە لە مێردین بە مەرج ئازاد كرا، بۆیە وەكوو ئەوەی چەند نووسەرێك باسی دەكەن رەنگە دەمیرتاشیش بە مەرج ئازاد بكرێت.
ئۆیا بایدار نووسەری دیاری (T24) داوا دەكات دەمیرتاش ئازاد بكرێت و لە ماڵەوە زیندانی بكرێت، هەروەها دەكرێت قەدەغەی چوونە دەرەوەی وڵاتیشی بەسەردا بسەپێندرێت.