وەزارەتی تەندروستی دەنگۆی بڵاوكردنەوەی گازی سارین رەتدەكاتەوە
  2020-04-05       238       

وەزارەتی تەندروستی حكومەتی هەرێمی كوردستان دەنگۆی بڵاوكردنەوەی گازی سارین رەتدەكاتەوەو دەشڵێت: رێكاری یاسایی بەرامبەر ئەو كەسانە دەگرنەبەر كە پڕوپاگەندەی لەو جۆرە بڵاودەكەنەوە.

ئاوێنە: وەزارەتی تەندروستی حكومەتی هەرێمی كوردستان لە ڕاگەیەندراوێكدا وتی: گشت ئەو دەنگۆیانە ڕەتدەکەینەوە کە باس لە بڵاوکردنەوەی گازی سارین دەکەن چونکە ھیچ بنەمایەکی نییەو تەنھا پڕوپاگەندەیە.

وتوشیەتی"ھەرکەسێك ئەو جۆرە پڕوپاگەندانە یان گرتەی ڤیدیۆیی چەواشەکار تۆماربکات و بڵاوبکاتەوە ڕێکاری یاسایی بەرامبەریان دەگیرێتەبەر."

وەزارەتەكە داواشی لە ھاوڵاتیان كردوە خۆیان دوربگرن لە ھەمو جۆرە بڵاوکردنەوەو ناردنی پڕوپاگەندەیەك بۆ یەکتری و لەکاتی بونی ھەر ھەواڵێكدا ئەوا لایەنی فەرمی لە حکومەتی ھەرێم بڵاوی دەکاتەوەو وەزارەتی تەندروستی تاکە سەرچاوەی ڕاگەیاندنی هەر پێشهات و ڕوداوێکی تەندروستییە.

زۆرترین بینراو
© 2020 Awene Online, Inc. All Rights Reserved.
×