بەهۆی بەركەوتنی فیشەك گەنجێك لە گەرمیان
گیانی لەدەستداو بەپێی قسەی كەسوكارەكەی فیشەكەكە لە دەست خاڵۆزایەكی خۆی دەرچوە.
ئاوێنە: مقدەمی مافپەروەر عەلی جەمال قدوری،
وتەبێژی پۆلیسی گەرمیان لە راگەیەندراوێكدا وتی"ئەمشەو یەکشەممە تەرمی گەنجێک
بەناوی (هەموار سالار جەمیل) لەدایکبوی 2009 هێنرایە بەشی فریاکەوتنی شەهید هەژار
کە بەهۆی بەرکەوتنی فیشەکەوە گیانی لەدەستدابو."
وتەبێژی پۆلیسی گەرمیان هێمای بۆ ئەوە
كردوە كە بەوتەی
کەسوکارەكەی، ناوبراو خوێندکارەو دانیشتوی قەزای کەلارە بەسەردان چۆتە گوندی سەوزبڵاغ
سەربە ناحیەی قۆرەتو، ئەمشەو فیشەک لەدەستی خاڵۆزایەکی خۆی دەرچوەو
بەر ناوبراو کەوتوە پاش گەیاندنی بە نەخۆشخانە گیانی لەدەستداوە.
عەلی جەمال قدوری وتوشیەتی"لەئێستادا پەڕاوی لێکۆڵینەوە لەسەر چۆنێتی
ڕوداوەکە کراوەتەوەو پۆلیس دەستی بە لێکۆڵینەوەکردوەو تۆمەتباریش بە بڕیاری دادوەرو
بەپێی مادەی 406 بەندکراوە."