بەڕێوەبەرایەتی
گشتی تەندروستی سلێمانی رایگەیاند: سبەی سێشەممە سەرجەم نۆڕینگە میلییەكان لە
سلێمانی دەكرێنەوە بۆ پێدانی دەرمان و چارەسەر بەو هاوڵاتیانەی نەخۆشی
درێژخایەنیان هەیە.
ئاوێنە: بەڕێوبەرایەتی
گشتی تەندروستی سلێمانی، ئەمڕۆ دوشەممە، لە راگەیەندراوێكدا ئاگاداری هاوڵاتیانی
كردەوە كە سەرجەم نۆرینگە میللییەكان لەڕۆژی سێشەممەوە رێكەوتی 7/4/2020 لەكاتژمێر1ی
پاشنیوەڕۆ بۆ 5ی ئێوارە كراوە دەبن بۆ پێدانی دەرمان و چارەسەر بەو هاوڵاتیانەی نەخۆشی
درێژخایەنیان هەیە.
ئەوەشی خستۆتەڕو
كە كردنەوەی نۆڕینگە میللییەكان بەم مەرجانە دەبێت:
1- دەبێت هەمو مەرجەكانی خۆپارێزی پەیڕەو
بكرێت و دەستكێش و دەمامك بەكاربهێنرێت.
2- كاتی دیاریكراوی خۆی كە مەوعیدی هەبێت یان مانگێك
تێپەڕبوبێت بەسەر مەوعیدەكەی.
3- نەخۆشانی درێژخایەن دەتوانێت لە نزیكترین
شوێنی ماڵەكەی خۆی دەرمانەكانی وەربگرێت.
4- ئەگەر نەخۆشەكە پەككەوتەبێت نزیكترین كەسی
دەتوانێت دەرمانەكەی بۆ وەربگرێت و بەڵگەنامەی پێویستی پێ بێت.
5- هەمو رۆژێك نۆڕینگە
میللییەكان كراوە دەبن جگە لەڕۆژانی هەینی.