پۆلیسی سلێمانی
رایگەیاند: مەفرەزەكانی بەشی پۆلیسی شارەزور چوار تۆمەتباریان دەستگیركرد
كە تەقەیان بەسەر ئۆتۆمبێلێكی فریاكەوتنی تەندروستیدا كردبو.
ئاوێنە:
بەڕێوەبەرایەتی پۆلیسی پارێزگای سلێمانی، ئەمڕۆ دوشەممە، لە راگەیەندراوێكدا وتی: لە تۆڕە كۆمەڵایەتییەكان
گرتە ڤیدیۆیەك بڵاوكرایەوە كە چەند كەسێك تەقەبەسەر ئۆتۆمبێلێكی فریاكەوتنی تەندروستیدا
دەكەن كە نەخۆشێك دەگوازێتەوە بۆ گوندێك لەسنوری قەزای شارەزور .
بەگوێرەی راگەیەندراوەكە عەمید ئاسۆ شێخ تەها، بەڕێوەبەری پۆلیسی پارێزگای
سلێمانی بەشی پۆلیسی شارەزوری ڕاسپارد كە هەستن بە دۆزینەوەی تۆمەتباران و دەستگیركردنیان .
لەراگەیەندراوەكەدا ئەوەش هاتوە: مەفرەزەكان لێكۆڵینەوەكانی دەستپێكردو
توانرا لەلایەن بنكەی پۆلیسی وارماوای سەربەبەشی پۆلیسی شارەزور چوار تۆمەتبار دەستگیربكرێن .
وتوشیەتی: لەئێستادا تۆمەتباران (ن. ع. ح.)، (أ. م. م.)،
(أ. أ. م.) و (أ. ق. ع.) بەبڕیاری دادوەر ڕاگیراون و لێكۆڵینەوە لەگەڵیان بەردەوامە .
پێشتریش هەڤاڵ
ئەبوبەكر، پارێزگاری سلێمانی و سەرۆكی لیژنەی باڵای ئۆپەراسیۆنەكانی سلێمانی بۆ
روبەڕوبونەوەی كۆرۆنا لە رونكردنەوەیەكدا رایگەیاندبو: بە فەرمانی
دادوەر چوار کەس كە لە روداوە نەخوازراوەکەی دوێنێی گوندی "بێسەڵمێن"ی سەر
بە قەزای شارەزوردا بەشدارییان کردبو، دەستگیرکران و رێوشوێنی یاسایی پێویستیان بەرامبەر
گیراوەتەبەر.