گەرمیان..لەڕوداوێكی هاتوچۆدا ماتۆڕسوارێك گیانی لەدەستدا
  2020-04-06       194       

هاتوچۆی گەرمیان رایگەیاند: سەرباری قەدەغەی هاتوچۆ، لەسەر ڕێگایەکی لاوەکی لە ناحیەی "سەرقڵا" بەهۆی پێکدادانی ماتۆڕسکیلێک و ئۆتۆمبێلێکەوە، کەسێک گیانی لەدەستداو یەكێكی دیكەش برینداربو.

ئاوێنە: بەڕێوەبەرایەتی هاتوچۆی گەرمیان، لە راگەیەندراوێكدا وتی: ئەمشەو(دوشەممە) سەرەڕای بەردەوامی قەدەغەی هاتوچۆ، لەسەر ڕێگایەکی لاوەکی لە ناحیەی سەرقڵا لەڕوداوێکی هاتوچۆدا لەجۆری پێکدادان لەنێوان ماتۆڕسکیلێک و ئۆتۆمبێلێکی جۆری توێتا لێكسز لەنزیک گوندی "سەی جەژنی" کەسێک گیانی لەدەستداو کەسێکیش برینداربو، کە هەردوکیان بران و بەڕەگەز عەرەبن.

ڕوداوەکە لەکاتێکدا ڕویداوە ماتۆڕسکیلەکە لەناحیەی سەرقڵاوە بە ئاڕاستەی گوندی "سەی جەژنی" گەڕاوەتەوەو ئۆتۆمبێلەکەش بەپێچەوانەوە، ئەو ڕوداوەی لێکەوتوەتەوەو لەئەنجامدا ئەو دو برایە کە لەسەر ماتۆڕسکیلەکە بون یەکێکیان گیانی لەدەستداو ئەویدیکەشیان برینداربو.

بریندارەكە دوای گەیاندنی بەنەخۆشخانەی فریاکەوتنی شەهید هەژار لەکەلار، ڕەوانەی نەخۆشخانەی سلێمانی کرا.

 

زۆرترین بینراو
© 2020 Awene Online, Inc. All Rights Reserved.
×